Ekki flogið frá Akureyri – kvöldleik í Eyjum frestað

Andri Snær Stefánsson, þjálfari KA/Þórs, og leikmenn hans eru lagðir af stað landsleiðina frá Akureyri. Ekkert varð af flugi. Mynd/Egill Bjarni Friðjónsson

Viðureign ÍBV og KA/Þórs í Olísdeild kvenna í kvöld hefur verið frestað, eftir því sem fram kemur á Facebook-síðu KA. Þar segir að vegna veðurs sé ekki fært með flugi frá Akureyri í dag.


Þess í stað stendur til að leika í Vestmannaeyjum á morgun og verður flautað til leiks klukkan 18.


KA/Þórs liðið lagði af stað eftir hádegið í dag með rútu áleiðis suður á bóginn en til stendur að komast með Herjólfi yfir til Vestmannaeyjum frá suðurströndinni. Væntanlega þarf að komast á milli lands og í Eyja í dag því veðurspá morgundagsins er ekki kræsileg, alltént framan af degi.


Í morgun þóttu vonir góðar um að leikinn færi fram. Stóð þá til að dómarar ferðuðust með Herjólfi fyrri hluta dagsins og einnig ungmennalið Stjörnunnar sem á leik við ungmennalið ÍBV í kvöld í Grill66-deild kvenna. Sú mun hafa orðið raunin og verður flautað til viðureignar ungmennaaliðanna klukkan 18.45 í kvöld í íþróttamiðstöðinni í Vestmannaeyjum.

- Auglýsing -

Nýjustu fréttir

- Auglýsing -