Mynd/Valur

„Ég verð allavega ekki með fyrir áramót. Einfaldlega er brjálað að gera í vinnunni og síðan var ég að eignast dóttur rétt í þessu,“ sagði markvörðurinn Hreiðar Levý Guðmundsson þegar handbolti.is náði tali af honnum fyrr í dag.

„Ofan á annað er maður ekkert unglamb lengur. Þannig  að vinnan og fjölskylda fá athygli mína. Ég sé svo til hvort ég verði í almennilegu formi til að taka þátt í „clutch-inu“ eftir áramótin,“ sagði Hreiðar léttur í bragði enda rétt nýbúinn að líta dóttur sína augum í fyrsta sinn.

Hreiðar, sem var árum saman með landsliðinu og er m.a. einn silfurdrengjanna frá Peking var einnig í bronsliðinu á EM 2010, lék með Val á síðasta keppnistímabili eftir að hafa varið mark Gróttu árið á undan að lokinni veru eins árs veru í Noregi. Einnig lék Hreiðar árum saman með félagsliðum í Þýskalandi og í Svíþjóð.  

Handbolti.is óskar Hreiðari og Hildi Gunnlaugsdóttur til hamingju með dótturina.

- Auglýsing -

Nýjustu fréttir

- Auglýsing -