„Maður verður ekki verulega ánægður þegar einhver hótar að manni svona – og ég er ekki sáttur við að þurfa að skilja konuna eftir heima þegar ég þarf að ferðast vegna vinnunnar,“ sagði Alfreð Gíslason, lanndsliðsþjálfari Þýskalands í handknattleik karla í samtali við akureyri.net og vísar hann þar í hótun sem honum barst í pósti fyrir um viku síðan og fjallað hefur verið um bæði hér á landi, í Þýskalandi og víðar.
Alfreð segir í samtalinu við akureyri.net að hann viti ekki til þess að rannsókn málsins hafi skilað árangri hjá lögreglu enn sem komið er. Lögreglan hafi tekið hótunina mjög alvarlega sem eðlilegt er. Sjálfur hafi hann ekki stressað sig mikið á þessu en viðurkenndi að hún hafi verið óþægileg. Alfreð segist alveg vera til í að hitta þann sem sendi hótunina.
Viðtalið við Alfreð á akureyri.net er hægt að nálgast hér.
