Elín Jóna fór hamförum í Randers

Elín Jóna Þorsteinsdóttir, leikur með danska úrvalsdeildarliðinu Ringkøbing Håndbold á næsta keppnistímabili. Mynd/Erik Laursen - aðsend

Elín Jóna Þorsteinsdóttir átti sannkallaðan stórleik, svo ekki sé fastara að orði kveðið, í kvöld þegar lið hennar, Vendsyssel sótt Randers heim í 22. umferð dönsku úrvalsdeildarinnar í handknattleik. Elín Jóna fór hreinlega hamförum í markinu og varði 21 skot, þar af eitt vítakast og var með 53,85% hlutfallsmarkvörslu.


Því miður þá dugði þessi stórbrotna frammistaða Elínar Jónu ekki til sigurs í leiknum því Randers vann, 22:20, eftir að hafa verið yfir, 11:6, að loknum fyrri hálfleik.


Steinunn Hansdóttir skoraði þrjú af mörkum Vendsyssel sem situr sem fyrr í neðsta sæti deildarinnar með þrjú stig.

- Auglýsing -

Nýjustu fréttir

- Auglýsing -