- Auglýsing -

Elín og Þórey semja til 2024 – myndskeið

Elín Rósa Magnúsdóttir og Þórey Anna Ásgeirsdóttir . Mynd/Skjáskot

Handknattleikskonurnar Elín Rósa Magnúsdóttir og Þórey Anna Ásgeirsdóttir hafa skrifað undir nýja samninga við Val sem gilda út tímabilið 2024, eftir því sem fram kemur í tilkynningu frá Handknattleiksdeild Vals ásamt myndskeiði sem hér fylgir með.

Elín Rósa er lykilmaður í U-19 ára landsliði Íslands ásamt því að hafa verið valin í B-landsliðshóp hjá Arnari Péturssyni, landsliðsþjálfara í sumar. Elín sem er fædd 2002 er hluti af sterkum 3. flokki félagsins sem vann bæði deildar,- og bikarmeistaratitil á síðasta keppnistímabili. Elín var til að mynda valin maður leiksins í úrslitaleiknum.

Þórey Anna gekk til liðs við Val fyrir þetta tímabil frá Stjörnunni. Hún hefur verið einn besti leikmaður Olís deildarinnar undanfarin ár ásamt því að vera í A-landsliði Íslands. Þórey er næst markahæsti leikmaður liðsins eftir fyrstu þrjá leiki tímabilsins með 14 mörk.

- Auglýsing -
- Auglýsing -

Nýjustu fréttir

- Auglýsing -