Ellefti sigurinn hjá Guðjóni Val og Elliða Snæ

Elliði Snær Viðarsson leikmaður Gummersbach í Þýskalandi. Mynd Nastasja Kleinjung / VfL Gummersbach

Lærisveinar Guðjóns Vals Sigurðssonar í Gummersbach halda sigurgöngu sinni áfram í þýsku 2. deildinni í handknattleik. Í dag unnu þeir mikilvægan sigur þegar N-Lübbecke kom í heimsókn, 27:24. Lið N-Lübbecke situr í þriðja sæti deildarinnar.
Gummersbach hefur þar með unnið 11 af 12 leikjum sínum í deildinni og er í öðru sæti með 22 stig, tveimur stigum á eftir Hamburg sem hefur leikið tveimur leikjum fleira.

Elliði Snær Viðarsson skoraði þrjú mörk í þremur skotum fyrir Gummersbach-liðið auk þess að vera tvisvar vísað af leikvelli. Elliði Snær leikur stórt hlutverk í vörn Gummersbach.
Staðan í þýsku 2. deildinni:
Hamburg 24(14), Gummersbach 22(12), N-Lübbecke 18(13), Dormagen 16(12), Elbflorenz 15(13), Lübeck-Schwartau 14(12), Dessauer 13(14), Eisenach 12(14), Rimpar Wölfe 11(11), Grosswallstadt 11(14), Aue 10(10), Hamm-Westfalen 10(11), Wilhelmshavener 10(13), Ferndorf 9(11), Hüttenberg 9(13), Bietigheim 8(9), Fürstenfeldbruck 8(12), Konstanz 7(11), Emsdetten 5(13).

- Auglýsing -

Nýjustu fréttir

- Auglýsing -