Elvar og Aron unnu – tap hjá Grétari Ara

Elvar Örn Jónsson í leik með Skjern. Mynd/Skjern

Eftir fjóra tapleiki í röð í dönsku úrvalsdeildinni í handknattleik þá unnu Elvar Örn Jónsson og samherjar hans í Skjern leik í gærkvöldi. Þeir lögðu Mors-Thy, 24:23, heimavelli. Skjern var marki undir í hálfleik, 14:13.

Elvar Örn skoraði eitt mark í fjórum skotum, átti eina stoðsendingu og var einu sinni vísað af leikvelli í tvær mínútur.
Önnur úrslit í deildinni gær voru þau að Bjerringbro/Silkeborg og Skanderborg skildu jöfn, 30:30.

Staðan í dönsku úrvalsdeildinni:
Aalborg 23(13), GOG 22(12), Bjerringbro/Silkeborg 19(14), Holstebro 18(13), SönderjyskE 15(14), Skjern 15(14), Skanderborg 14(14), Mors Thy 13(14), Kolding 13(14), Århus 12(14), Fredericia 12(13), Ribe-Esbjerg 7(13), Ringsted 3(12), Lemvig 2(14).


  • Aron Dagur Pálsson skoraði sjö mörk í tíu skotum auk fjögurra stoðsendinga og lék afar vel þegar Alingsås vann IK Sävehof, 29:27, á heimavelli í sænsku úrvalsdeildinni í gærkvöld. Alingsås var þremur mörkum yfir að loknum fyrri hálfleik, 18:15.

    Staðan í sænsku úrvalsdeildinni:
    Malmö 20(13), Ystads IF 19(12), Skövde 17(12), Alingsås 17(13), IFK Kristianstad 16(11), Lugi 14(13), Sävehof 13(119; IFK Ystads 13(14), Önnereds 10(13), Guif 10(13), Redbergslids 9(13), Hallby 8(13), HK Aranäs 8(13), Varberg 8(11), Helsingborg 6(13).
  • Grétar Ari Guðjónsson varði 11 skot, 30% hlutfallsmarkvarsla, þegar lið hans Nice tapaði fyrir Saran á útivelli, 29:23, í B-deildinni í Frakklandi í gærkvöld. Saran-menn voru þremur mörkum yfir í hálfleik, 13:10.

    Staðan í frönsku B-deildinni:
    Pontault 14(8), Nancy 14(7), Massy Essonne 12(8), Saran 12(8), Sélestad 11(7), Cherbourg 8(6), Dijon 8(8), Nice 5(8), Besancon 4(8), Strasbourg 4(8), Billére 4(8), Valence 3(7), Angers 3(8), Sarrebourg 2(6).
- Auglýsing -

Nýjustu fréttir

- Auglýsing -