- Auglýsing -

EM: Leikir á öðrum keppnisdegi í milliriðlum

Áfram heldur keppni á EM kvenna í Danmörku í dag. Mynd/Anze Malovrh / kolektiff

Tveir leikir verða á dagskrá milliriðlakeppni EM kvenna í handkattleik í Danmörku í dag. Báðir í milliriðli eitt en leikir þess riðils fara fram í Jyske Bank Boxen í Herning á Jótlandi. Fyrri viðureign er sannkallaður stórleikur á milli Frakka og Rússa. Hvorugt liðið hefur tapað fram til þessa en þau deila efsta sæti riðilsins og því ljóst að úrslit leiksins geta haft veruleg áhrif á hvort þeirra hreppir efsta sætið og tryggir sér um leið öruggt sæti í undanúrslitunum.

Frakkar unnu Spánverja með eins marks mun í gær, 26:25. Rússneska liðið vann einnig nauman sigur á Svartfellingum, 24:23.
Megn óánægja er í herbúðum Frakka yfir að leika tvo daga í röð. Hefur því verið ákaft mótmælt að hálfu forráðamanna landsliðsins. M.a. óskaði formaður franska handknattleikssambandsins eftir í gær að leiknum yrði seinkað um sólarhring. Óskum hans var vísað á bug.
Víst er að leikjaniðurröðun á mótinu er sérstök en sem dæmi má nefna að Þýskland leikur ekki sinn fyrsta leik í undanúrslitum fyrr en á morgun.

Ekki verður leikið í milliriðli tvö í dag.

Hin viðureign kvöldsins verður á milli grannþjóðanna Dana og Svía. Bæði lið eiga möguleika á sæti í undanúrslitum. Í þeirri keppni standa Danir betur að vígi eins sér á stöðunni í riðlinum hér að neðan.

Leikir dagsins:
Frakkland – Rússland, kl. 17.15 – sýndir á RÚV2
Danmörk – Svíþjóð, kl. 19:30 – sýndir á RÚV2

Úrslit leikja í gær á EM

Milliriðill 1:
Svarfjallaland – Rússland, 23:24
Frakkland – Spánn, 26:25

Milliriðill 2:
Króatía – Rúmenía, 25:20
Holland – Noregur, 25:32

- Auglýsing -
- Auglýsing -

Nýjustu fréttir

- Auglýsing -