Embla Jónsdóttir, leikmaður Göppingen í Þýskalandi. Mynd/Göppingen

Embla Jónsdóttir skoraði í gær sitt fyrsta mark fyrir aðallið Göppingen er það vann Regensburg með 14 marka mun á heimavelli í þýsku 2. deildinni í handknattleik. Embla, sem kom inn í lið Göppingen fyrir keppnistímabilið eftir að hafa leikið með varaliði félagsins á síðasta tímabili, skoraði eitt mark í þremur tilraunum.


Þetta var annar leikur Emblu með Göppingen á leiktíðinni. Göppingen er í 5. sæti með fjögur stig eftir þrjá leiki en það hefur unnið tvær síðustu viðureignir sínar. Næsti leikur verður gegn TG Nürtingen á útivelli á föstudaginn.

- Auglýsing -

Nýjustu fréttir

- Auglýsing -