Engar tilslakanir fram til 9. desember

Leikmenn ÍBV fagna sigri snemma á keppnistímabilinu þegar áhorfendur máttu koma á leiki. Mynd/Skapti Hallgrímsson, akureyri.net

Heilbrigðisráðherra hefur ákveðið að framlengja gildandi reglugerðir um takmarkanir á samkomum og skólastarfi óbreyttar til 9. desember næstkomandi. Þetta er gert í samræmi við tillögu sóttvarnalæknis sem ræður gegn því að slaka á sóttvörnum núna vegna þess hvernig faraldurinn hefur þróast síðustu daga.


Þetta kemur fram í tilkynningu heilbrigðisráðuneytisins sem birtist fyrir stundu á vef stjórnarráðsins.

Þar með liggur fyrir að íþróttaæfingar verða áfram óheimilar meðal fullorðinna og ungmenna.

Tillögur heilbrigðisráðherra eru í samræmi við það sem kom fram í nýjasta minnisblaði sóttvarnalæknis sem hann ritaði eftir að smitum fjölgaði á nýjan leik skömmu fyrir nýliðna helgi.

- Auglýsing -

Nýjustu fréttir

- Auglýsing -