KA-maðurin Sigþór Gunnar Jónsson sækir að Antoni Rúnarssyni og Alexander Erni Júlíussyni í viðureign KA og Vals í vetur. Mynd/Skapti Hallgrímsson, akureyri.net

Valsmenn fóru hörmulega að ráði sínu í KA-heimilinu í kvöld þegar þeir misstu vænlega stöðu niður í jafntefli á síðustu þremur mínútum leiksins, 27:27. KA-menn skoruðu fjögur síðustu mörkin og hrósuðu happi yfir góðu stigi meðan Valsmönnum var heitt í hamsi og fékk einn þeirra rautt spjald.

Sigþór Gunnar Jónsson jafnaði metin, 27:27, þegar skammt var til leiksloka. Rétt áður höfðu Valsarar tapað boltanum en þeir skoruðu ekki mark síðustu fimm mínútur leiksins. Í sókninn á undan hafði Árni Bagi Eyjólfsson minnkað munn í eitt mark fyrir KA er ein mínúta var eftir af leiktímanum.

Snorri Steinn Guðjónsson, þjálfari Vals, átti eitt og annað vantalað við menn á tímavarðaborðinu eftir leikinn í KA-heimilinu í kvöld. Mynd/Skapti Hallgrímsson, akureyri.net


Þetta er sannarlega ekki fyrsta sinn upp á síðkastið þar sem KA-menn tryggja eitt eða tvö stig á elleftu stundu. Skemmst er minnast vafasams sigurmarks í Eyjum á mánudaginn og þar á undan jafntefli við FH í Kaplakrika þar sem allt fór í skrúfa hjá FH á lokakaflanum eins og gerðist hjá Val í kvöld.

Nánari umfjöllun um leikinn á akureyri.net.


Valsmenn voru með þriggja marka forskot í hálfleik, 13:10, og virtust lengst af í síðari hálfleik vera með tögl og hagldir. KA-menn eru hinsvegar baráttuglaðir.


Mörk KA: Jóhann Geir Sævarsson 7, Árni Bragi Eyjólfsson 5, Áki Egilsnes 5, Patrekur Stefánsson 3, Jón Heiðar Sigurðsson 2, Sigþór Gunnar Jónsson 2, Daði Jónsson 1, Allan Norðberg 1.
Varin skot: Nicholas Satchwell 7, 26,9% – Svavar Ingi Sigmundsson 0.
Mörk Vals: Anton Rúnarsson 8, Magnús Óli Magnússon 5, Stiven Tobar Valencia 3, Arnór Snær Óskarsson 2, Finnur Ingi Stefánsson 2, Einar Þorsteinn Ólafsson 1, Andri Finnsson 1, Vignir Stefánsson 1, Þorgils Jón Svölu-Baldursson 1, Alexander Örn Júlíusson 1.
Varin skot: Einar Baldvin Baldvinsson 6, 18,2%.

Öll tölfræði leiksins hjá HBStatz.

Staðan í Olísdeild karla.

- Auglýsing -

Nýjustu fréttir

- Auglýsing -