Er aftur úr leik – vonandi ekki alvarlegt

Ásgeir Snær Vignisson t.h. ásamt formanni handknattleiksdeildar ÍBV, Davíð Óskarssyni. Mynd/ÍBV

Það á ekki af handknattleiksmanninum Ásgeiri Snæ Vignissyni leikmanni ÍBV að ganga. Ásgeir Snær var kominn á fulla ferð á nýjan leik á dögunum eftir axlarbrot í lok september, þegar hann meiddist í viðureign ÍBV og KA á mánudagskvöldið. Að sögn Kristins Guðmundssonar, annars þjálfar ÍBV-liðsins, er ekki hægt að útiloka að bátsbein sem tengist þumalfingri á vinstri hönd sé brotið.


„Við vonum að svo sé ekki en ástandið skýrist fljótlega. Við þurfum að koma honum að hjá lækni á allra næstu dögum,“ sagði Kristin við handbolta.is eftir sigurleik ÍBV á Aftureldingu í gærkvöld. „Ásgeir Snær hefur verið óheppinn og vonandi eru meiðslin ekki eins alvarleg og óttast var í fyrstu,“ sagði Kristin ennfremur.


Nokkrir eru meiddir innan ÍBV-liðsins um þessar mundir, m.a. Fannar Þór Friðgeirsson, Friðrik Hólm Jónsson og Sigtryggur Daði Rúnarsson, auk Ásgeirs Snæs.

a>
- Auglýsing -

Nýjustu fréttir

- Auglýsing -