Erlangen staðfestir ráðningu Ólafs

Ólafur Stefánsson hefur tekið við starfi aðstoðarþjálfara hjá HC Erlangen. Mynd/EPA

Þýska handknattleiksfélagið HC Erlangen í Nürnberg staðfesti rétt fyrir hádegið að Ólafur Stefánsson hafi verið ráðinn aðstoðarþjálfari karlaliðs félagsins sem leikur í 1. deild.


Fregnin úr herbúðum HC Erlangen kom sólarhring eftir að Vísir.is sagði frá því fyrstur fjölmiðla hér á landi, í það minnsta, að Ólafur hafi tekið tilboð félagsins um að koma inn í þjálfarateymi félagsins.


Raúl Alonso tók við þjálfun HC Erlangen snemma árs og verður Ólafur honum til halds og trausts ásamt Tom Hankel. Ekki kemur fram í tilkynningunni til hvers langs tíma samningur Ólafs við félagið er.

HC Erlangen er í 13. sæti af 18 liðum þýsku 1. deildinnar.

- Auglýsing -

Nýjustu fréttir

- Auglýsing -