Erum að safna stigum

Arnar Daði Arnarsson, þjálfari Gróttu fyrir miðri mynd. Mynd/Eyjólfur Garðarsson

„Eflaust er hægt að segja að fargi sé af okkur létt eftir þennan sigur en fyrst og fremst erum við í stigasöfnun og keppni við Þór um að forðast fall úr Olísdeildinni. Þar af leiðandi skiptir hver leikur máli,“ sagði Arnar Daði Arnarsson, þjálfari Gróttu, eftir sex marka sigur Gróttu á ÍR í Olísdeild karla í Austurbergi í gærkvöld.


„Við þiggjum öll stig sem eru í boði í þeirri baráttu sem við erum í. Það má alveg hafa uppi einhverjar klisjur en fyrst og fremst unnum við tvö stig í kvöld. Næsti leikur verður á mánudaginn og nú þegar hefst undirbúningur fyrir þá viðureign,“ sagði Arnar Daði. Gróttumenn fá liðsmenn ÍBV í heimsókn í Hertzhöllina á mánudagsvköld en ÍBV tapaði á heimavelli fyrir Selfossi í gærkvöld.


„Það er stutt á milli leikja og aðeins tvær æfingar sem er svolítið nýtt fyrir mig og leikmenn. Það verður gaman að sjá hvernig við bregðumst við,“ sagði Arnar Daði Arnarsson, þjálfari Gróttu.

- Auglýsing -

Nýjustu fréttir

- Auglýsing -