Fagnaði fyrsta meistaratitlinum með fjölskyldunni

Aðalsteinn með bikarinn ásamt börnunum Ragnheiði Köru, Atla Stein og Aroni Loga. Mynd/Aðsend

Undir stjórn Aðalsteins Eyjólfssonar varð Kadetten Schaffhausen svissneskur meistari í handknattleik karla í fyrrakvöld. Um var að ræða fyrsta landsmeistaratitil félagsins eftir að Aðalsteinn tók við þjálfun liðsins sumarið 2020. Undir hans stjórn varð Kadetten bikarmeistari fyrir ári. Þetta er um leið í fyrsta sinn sem Aðalsteinn stýrir liði til meistaratitils í handknattleik fyrir utan Ísland.


Sigur Kadetten í úrslitarimmunni við meistara síðasta árs, Pfadi Winerthur, var afar öruggur. Kadetten vann þrjá leiki en Winerthur engann. Kadetten vann einnig undanúrslitarimmuna við GC Amicitia Zürich án þess að tapa leik.

Aðalsteinn og Birna kona hans ásamt börnunum þremur, Atla Steini, Aroni Loga og Ragnheiði Köru. Mynd/Aðsend


Aðalsteinn fagnaði sigrinum ákaft með leikmönnum sínum en ekki síður fjölskyldu sinni, eiginkonunnar Birnu Haraldsdóttur og börnunum þremur, Atla Steini, Aroni Loga og Ragnheiði Köru.


- Auglýsing -

Nýjustu fréttir

- Auglýsing -