Elín Jóna Þorsteinsdóttir landsliðsmarkvörður og markvörður Ringkøbing Håndbold. Mynd/Ringkøbing Håndbold

Elín Jóna Þorsteinsdóttir, landsliðsmarkvörður í handknattleik, átti góðan leik í marki nýliða Ringköbing í kvöld þegar liðið vann Köbenhavn Håndbold, 28:27, á heimavelli í fimmtu umferð dönsku úrvalsdeildarinnar í handknattleik. Þetta var fyrsti sigurinn hjá Elínu Jónu og samherjum í deildinni eftir að hafa átt afar erfiða leiki í fyrstu umferðunum. En nú var ísinn brotinn.


Elín Jóna stóð í marki Ringköbing allan leikinn og varði 12 skot, 32% hlutfallsmarkvarsla.


Jafnt var í hálfleik, 13:13. Eftir miðjan síðari hálfleik komst Ringköbing yfir og var með eins til tveggja marka forskot allt til leiks loka og átti m.a. síðustu sókn leiksins sem reyndar tókst ekki að nýta til þess að skora.

Eins og sjá má var glatt á hjalla að leik loknum og fagnað eins og siður er í Danmörku.

- Auglýsing -

Nýjustu fréttir

- Auglýsing -