Fara áfram á útivallarmörkum

Elvar Ásgeirsson leikmaður Nancy í Frakklandi. Mynd/Nancy

Elvar Ásgeirsson og félagar í Nancy eru komnir á næsta stig umspilsins í frönsku B-deildinni þrátt fyrir tap fyrir Dijon í seinni viðureign liðanna í fyrstu umferð umspilsins í Nancy í dag, 26:24. Markatala liðanna er jöfn, hvort um sig hefur skoraði 53 mörk tveimur leikjum. Vegna þess að Nancy skoraði 27 mörk á heimavelli Dijon fara Elvar og félagar áfram en liðsmenn Dijon sitja eftir með sárt ennið.

Leikurinn átti að fara fram fyrir 10 dögum en var frestað eftir að kórónuveirusmit herjaði á herbúðir Dijonliðsins. Cherbourg er einnig komið áfram á næsta stig umspilsins eftir sigur á Massy Essonne á dögunum.


Elvar skoraði fjögur mörk, átti fjórar stoðsendingar og vann þrjú vítaköst fyrir Nancy í dag.


Nancy leikur við Pontault í undanúrslitum á laugardaginn. Í hinni viðureign undanúrslita eigast við Saran, sem varð efst í deildinni, og fyrrnefnd lið Cherbourg. Sigurliðin í leikjum laugardagins mætast í úrslitaleik á sunnudaginn.

- Auglýsing -

Nýjustu fréttir

- Auglýsing -