Farsælt samstarf heldur áfram

Davíð Örn Hlöðversson t.h. ásamt Kára Garðarssyni. Þeir þjálfa áfram kvennalið Gróttu. Mynd/Grótta

Nú hefur því verið slegið föstu að Davíð Örn Hlöðversson verður áfram aðstoðþjálfari hjá kvennaliði Gróttu í handknattleik en liðið leikur í Grill66-deildinni. Grótta komst í úrslit umspilsins um sæti í Olísdeildinni í vor.


Davíð Örn er öllum hnútum kunnugur hjá félaginu eftir að hafa þjálfað nær alla aldursflokka hjá handknattleiksdeild Gróttu í um tvo áratugi. Þess utan er hann silfurmerkjahafi Gróttu og lék á sínum tíma 144 leiki fyrir meistaraflokk.


Í tilkynningu frá Gróttu er Kári Garðarsson, þjálfari Gróttuliðsins, sagður í sjöunda himni með þessi tíðindi úr herbúðunum enda mun samstarf Kára og Davíðs Arnar hafa verið afar farsælt. „Þetta eru frábær tíðindi enda hefur samstarf okkar gengið farsællega undanfarin misseri. Það er gaman að þjálfa með Davíð enda skín eldmóðurinn af honum,“ er haft eftir Kára í tilkynningunni.

- Auglýsing -

Nýjustu fréttir

- Auglýsing -