- Auglýsing -
Bjarni Ófeigur Valdimarsson og samherjar í sænska liðinu IFK Skövde féllu í dag úr leik með minnsta mun í 16-liða úrslitum Evrópubikarkeppninnar í handknattleik. Skövde tapaði fyrir SKA Minsk, 29:28, að lokinni vítakeppni í Minsk, höfuðborg Hvíta-Rússlands.
Fyrri viðureign liðanna sem fram fór í Skövde fyrir viku lauk með jafntefli, 26:26.
Staðan var jöfn eftir venjulegan leiktíma, 26:26, og eins var jafnt að loknum fyrri hálfleik, 14:14.
Bjarni Ófeigur, sem varð fyrir höfuðhöggi í fyrri viðureigninni, tók þátt í leiknum í Minsk og skoraði þrjú mörk í sjö skotum.
Þess má geta að SKA Minsk sló FH-inga, fyrri samherja Bjarna Ófeigs, úr keppni í 32-liða úrslitum í haust.
- Auglýsing -