Ungmennalið Aftureldingar fékk í kvöld afhent verðlaun fyrir sigur í 2. deild karla að loknum síðasta leik sínum á keppnistímabilinu. Afturelding vann ungmennalið ÍBV að Varmá í kvöld en engum sögum fer af úrslitum leiksins að öðru leyti en að Mosfellingar höfðu betur. Reyndar var sigur liðsins í deildinni öruggur fyrir viðureignina í kvöld.
Ungmennalið Aftureldingar tekur þar með sæti í Grill 66-deild á næstu leiktíð. Ungmennalið Fram tekur sæti í 2. deild en það rak lestina í Grill 66-deildinni sem lauk á síðasta föstudag.
Á myndinni hér fyrir ofan eru:
Aftari röð f.v.: Hafsteinn Óli Ramos, Brynjar Vignir Sigurjónsson, Björgvin Franz Björgvinsson, Karl Kristján Bender, Agnar Ingi Rúnarsson, Stefán Scheving Guðmundsson, Ágúst Atli Björgvinsson, Elías Baldursson, Finnbogi Gunnarsson, Patrekur Hannesson, Ásgeir Jónsson, Einar Scheving, Elías Baldursson.
Fremri röð f.v.: Haraldur Björn Hjörleifsson, Ægir Líndal , Grétar Jónsson, Hilmar Ásgeirsson, Böðvar Scheving Guðmundsson, Valur Þorsteinsson, Alexander Hannesson, Egill Steingrímsson.
