Festir sig til tveggja ára – Jóhanna heldur áfram

Selma Þóra Jóhannsdóttir, markvörður, verður áfram hjá HK. Mynd/HK

Markvörðurinn Selma Þóra Jóhannsdóttir verður í herbúðum Olísdeildarliðs HK næstu tvö árin en hún hefur gengið frá samkomulagi þar að lútandi. Eins hefur hin efnilega Jóhanna Margrét Sigurðardóttir skrifað undir nýjan samning fyrir Kópavogsliðið.


Selma Þóra kom til HK á láni frá Gróttu í byrjun ársins. Hún hefur sitt mark á liðið og ríkir almenn ánægja með frammistöðu hennar innan HK. Selma Þóra ætlar að veðja á HK-liðið næstu tvö ár, eftir því sem fram kemur í tilkynningu félaginu.

Mynd/HK


Jóhanna er orðin lykilleikmaður í liði HK aðeins 18 ára gömul auk þess sem hún hefur átt sæti í yngri landsliðunum.

Selma og Jóhanna verða í eldlínunni í kvöld þegar HK tekur á móti KA/Þór í Olísdeild kvenna í Kórnum klukkan 18.

- Auglýsing -

Nýjustu fréttir

- Auglýsing -