FH-ingar héldu sjó

Leikmenn Selfoss og FH verða með í Evrópukeppninni í haust. Mynd/J.L.Long

Eftir nokkurn darraðardans á fjölum Kaplakrika í kvöld tókst FH-ingum að vinna stigin tvö sem voru í boði í viðureign þeirra við Selfoss í Olísdeild karla, 28:27. Hergeir Grímsson minnkaði muninn í eitt mark skömmu fyrir leikslok en áður höfðu bæði lið farið illa með sóknir í stöðunni 28:26.

FH er þar með áfram í öðru sæti Olísdeildar. Liðið hefur 21 stig eftir 15 leiki og er fjórum stigum á eftir Haukum sem tróna á toppnum sem fyrr.

Afturelding, sem á tímabili komst upp að hlið FH í dag, er í þriðja sæti með 19 stig. ÍBV og Valur er þar á eftir með 17 stig hvort.


Selfoss situr í sjötta sæti með 16 stig eftir 15 leiki. KA er stigi á eftir á tvo leiki til góða.


Selfoss-liðið byrjaði leikinn af miklum krafti í Kaplakrika í kvöld og var með fjögurra marka forystu, 8:4, eftir 20 mínútur. Leikmenn FH bitu frá sér og tókst að jafna metin fyrir hálfleikshléið, 11:11.

Tryggvi Þórisson og Ragnar Jóhannsson, leikmenn Selfoss, fylgjast með Ágústi Birgissyni, línumanni FH. Mynd/J.L.Long


FH-ingar voru sterkari í síðari hálfleik en þeim tókst aldrei að slíta leikmenn Selfoss almennilega af sér. Forskotið var frá einu og upp í fjögur mörk.


Mörk FH: Einar Rafn Eiðsson 9/4, Leonharð Þorgeir Harðarson 4, Benedikt Elvar Skarphéðinsson 3, Arnar Freyr Ársælsson 3, Einar Örn Sindrason 2, Ásbjörn Friðriksson 2, Ágúst Birgisson 2, Jón Bjarni Ólafsson 2, Birgir Már Birgisson 1.
Varin skot: Phil Döhler 20, 43,5%.
Mörk Selfoss: Einar Sverrisson 8/1, Hergeir Grímsson 7/3, Ragnar Jóhannsson 4, Alexander Már Egan 4, Nökkvi Dan Elliðason 2, Tryggvi Þórisson 1, Magnús Öder Einarsson 1.
Varin skot: Vilius Rasimas 16 – 37,2%.

Öll tölfræði leiksins hjá HBStatz.

Staðan í Olísdeild karla.

- Auglýsing -

Nýjustu fréttir

- Auglýsing -