FH-ingar semja við örvhenta skyttu

Gytis Smantauskas nýr leikmaður FH. Mynd/Aðsend

Handknattleiksdeild FH hefur samið við örvhenta skyttu, Gytis Smantauskas, 24 ára landsliðsmann frá Litháen. Hann kemur til FH frá Dragunas í Litháen þar sem Smantauskas hefur leikið síðastliðin þrjú ár.


„Þetta er stór og sterkur strákur með töluverða alþjóðlega reynslu. Okkur líst mjög vel á hann. Fyrstu kynni lofa góðu og við erum spenntir að sjá hann í FH treyjunni,“ segir Ásgeir Jónsson formaður handknattleiksdeildar FH í tilkynningu frá deildinni.

Smantauskas er ætlað að fylla í það skarð sem Einar Rafn Eiðsson skilur eftir sig en Einar Rafn flutti sig um set í sumar og leikur með KA á Akureyri á næsta keppnistímabili.

- Auglýsing -

Nýjustu fréttir

- Auglýsing -