Árni Bragi Eyjólfsson, leikmaður KA, hefur kastað boltanum að markinu þar sem Phil Döhler, markvörður FH, á fullt í fangi með að verja. Mynd/ J.L.Long

FH og KA skildu jöfn, 31:31, í Olísdeild karla í handknattleik í gær eftir mikinn endasprett KA-manna en þeir skoruðu fjögur síðustu mörk leiksins í Kaplakrika. Jöfnunarmarkið var skoraði úr vítakasti sem dæmt var var eftir langa rekistefnu dómaranna þegar leiktíminn var úti.

FH er þar með í öðru til fjórða sæti ásamt Aftureldingu og ÍBV með níu stig. KA situr í áttunda sæti með fimm stig að loknum sex leikjum.

KA fær ÍR í heimsókn á sunnudaginn en FH sækir Aftureldingu heim að Varmá á mánudagskvöld. Staðan í deildinni og næstu leikir.

Jóhannes Long ljósmyndar hefur vart misst úr leik með karlaliði FH um langt árabil. Hann var á viðureigninni í Krikanum í gær og sendi handbolta.is myndir. Nokkrar þeirra birtast hér fyrir neðan. Handbolti.is þakkar Jóhannesi kærlega fyrir sendinguna og afnotin af myndunum.

Ásbjörn Friðriksson, FH-ingur, skorara af öryggi úr einu af fjórum vítaköstum sínum. Mynd/Jóhannes Long
Einar Rafn Eiðsson reyndi að lauma boltanum til Ágústs Birgissonar, línumanns. Mynd/Jóhannes Long
Mynd/Jóhannes Long.
Ólafur Gústafsson, KA, og Einar Rafn Eiðsson, FH. Mynd/Jóhannes Long
Leonharð Þorgeir Harðarson, FH-ingur, hefur svifið framhjá Andra Snæ Stefánssyni, KA-manni. Andri Snær skoraði jöfnunarmark KA úr vítakasti á síðustu sekúndu leiksins, 31:31. Mynd/Jóhannes Long
Jakob Martin Ásgeirsson, FH, tekur leikmann KA, föstum tökum en sá ætlar ekki að gefa boltann eftir. Mynd/Jóhannes Long
Aftur eigast þeir við Leonharð Þorgeir Harðarson, FH, og Andri Snær Stefánsson, KA-maður. Nicholas Satchwell, markvörður KA, stendur gleiður. Mynd/Jóhannes Long
Arnar Freyr Ársælsson, FH-ingur, á auðum sjó. Mynd/Jóhannes Long
KA-mennirnir Daði Jónsson (17) og Einar Birgir Stefánsson í baráttu við Ágúst Birgisson, línumann FH. Mynd/Jóhannes Long
- Auglýsing -

Nýjustu fréttir

- Auglýsing -