- Auglýsing -

FH trónir á toppnum

Sigrún Jóhannsdóttir og félagar í FH taka á móti mæta ÍR í fyrstu umferð umspils um sæti í Olísdeild kvenna. Mynd/J.L.Long

FH tyllti sér í efsta sæti Grill66-deildar kvenna í handknattleik í kvöld þegar liðið lagði Fjölni/Fylki, 29:23, í Dalhúsum í Grafarvogi. Hafnarfjarðarliðið hefur þar með 24 stig eftir 15 leiki og er stigi á undan Selfoss sem á að vísu tvo leiki til góða á FH-inga. ÍR er síðan í þriðja sæti með 21 stig og hefur eins og Selfoss lokið 13 leikjum.


Frábær leikur í fyrri hálfleik lagði grunn að sigri FH að þessu sinni. FH-ingar réðu lögum og lofum allan fyrri hálfleikinn. Þeir voru með 11 marka forskot að honum loknum, 17:6. Munurinn var of mikill fyrir neðsta lið deildarinnar að vinna upp í síðari hálfleik þrátt fyrir heiðarlega tilraun.


Í jöfnu liði FH voru Fanney Þóra Þórsdóttir, fyrirliði, og Hildur Guðjónsdóttir aðsópsmestar við að skora mörk. Þær skoruðu sex mörk hvor. Mest kvað að Hrafnhildi Irmu Jónsdóttir í liði Fjölnis/Fylkis.


Mörk Fjölnis/Fylkis: Hrafnhildur Irma Jónsdóttir 7, Nína Rut Magnúsdóttir 5, Katrín Erla Kjartansdóttir 3, Telma Sól Bogadóttir 3, Sara Björg Davíðsdóttir 1, Ada Kozicka 1, Sara Lind Stefánsdóttir 1, Elsa Karen Þorvaldsdóttir Sæmundsen 1, Erla María Magnúsdóttir 1.

Mörk FH: Fanney Þóra Þórsdóttir 6, Hildur Guðjónsdóttir 6, Ragnhildur Edda Þórðardóttir 4, Sigrún Jóhannsdóttir 3, Karen Hrund Logadóttir 3, Emilía Ósk Steinarsdóttir 3, Birna Íris Helgadóttir 1, Arndís Sara Þórsdóttir 1, Emilie Vagnes Jakobsen 1, Emma Havin Sardarsdóttir 1.


Stöðu og næstu leiki í Grill66-deild kvenna má sjá hér.

- Auglýsing -
- Auglýsing -

Nýjustu fréttir

- Auglýsing -