Valsmenn tóku FH-inga í karphúsið

Arnór Snær Óskarsson var markahæstur Valsara í kvöld. Mynd/HSÍ

Valur komst í úrslit í bikarkeppninni í handknattleik í kvöld með stórsigri á FH, 37:27, í undanúrslitaleik liðanna í Coca Cola-bikarnum á Ásvöllum. Valsmenn voru marki yfir að loknum fyrri hálfleik, 16:14.

Þorgils Jón Svölu Baldursson skorar eitt marka sinna framhjá Phil Döhler markverði FH. Myd/J.L.Long


Eftir jafnan fyrri hálfleik þar sem liðin skiptust nánast á um að vera marki yfir þá tóku Valsmenn leikinn yfir í síðari hálfleik. Eftir tíu mínútur má segja að ljóst hafi verið í hvað stefndi. Valsmenn léku frábæran varnarleik og létu hraðaupphlaupin dynja á FH-ingum sem fengu ekki rönd við reist. Jafnt og þétt jókst munurinn og leikurinn minnti talsvert á undanúrslitaleik Vals og Aftureldingar í haust þegar Mosfellingar voru kjöldregnir.


Arnór Snær Óskarsson var maður leiksins. Hann skoraði 13 mörk í 15 skotum og var með fullkomna nýtingu í vítaköstum, 9 mörk í níu skotum.

Valsarinn Róbert Aron Hostert freistar þess að senda boltann framhjá Ágústi Birgissyni. Mynd/J.L.Long


Mörk FH: Egill Magnússon 5, Jakob Martin Ásgeirsson 4, Einar Örn Sindrason 3, Ágúst Birgisson 3, Birgir Már Birgisson 3, Jón Bjarni Ólafsson 3, Jóhann Birgir Ingvarsson 2, Ásbjörn Friðriksson 2, Leonharð Þorgeir Harðarson 2.
Varin skot: Phil Döhle 5, 13,5% – Júlíus Freyr Bjarnason 0.
Mörk Vals: Arnór Snær Óskarsson 13/9, Vignir Svavarsson 5, Magnús Óli Magnússon 4, Finnur Ingi Stefánsson 4, Þorgils Jón Svölu Baldursson 3, Tjörvi Týr Gíslason 2, Róbert Aron Hostert 2, Stiven Tobar Valencia 2, Einar Þorsteinn Ólafsson 1.
Varin skot: Björgvin Páll Gústavsson 13/2, 35,1%.

Handbolti.is var á Ásvöllum og fylgdist með leiknum í stöðu- og textauppfærslu hér fyrir neðan.

- Auglýsing -

Nýjustu fréttir

- Auglýsing -