Leikmenn Íslendingaliðsins IFK Kristianstad fögnuðu öðrum sigri sínum í vikunni í kvöld þegar liðið lagði IFK Ystads á heimavelli, 26:22. Gestirnir voru marki yfir að loknum fyrri hálfleik, 10:9. Kristianstad er eftir sem áður í sjöunda sæti deildarinnar með 28 stig að loknum 24 leikjum.
Teitur Örn Einarsson skoraði þrjú mörk en notaði til þess 13 skot. Þá átti hann eina stoðsendingu. Ólafur Andrés Guðmundsson, fyrirliði Kristianstad, skoraði tvö mörk í fjórum skotum til vðbótar við fjórar stoðsendingar. Hinn norski markvörður liðsins, Espen Christensen, átti stórleik og var með 46% hlutfallsmarkvörslu þegar upp var staðið.
Daníel Freyr Andrésson varði 9 skot sem lagði sig út á 29% varinna skota, þegar lið hans Guif fékk skell á heimavelli í viðureign sinni við Aranäs, 32:23. Guif er í níunda sæti deildarinnar, einu sæti frá úrslitakeppninni, með 20 stig eftir 24 leiki. Hallby er fjórum stigum fyrir ofan en mjög er tekið að síga á seinni hluta sænsku úrvalsdeildarinnar.
Bjarni Ófeigur er ennþá frá keppni vegna meiðsla eins og kom fram á handbolta.is í vikunni. Hann var þar af leiðandi ekki með þegar Skövde og Malmö skildu jöfn á heimavelli Skövde, 22:22. Skövde situr í fimmta sæti með 30 stig þegar 24 leikjum eru lokið.
