- Auglýsing -

Fimm marka tap á heimavelli

Gretar Ari Guðjónsson, handknattleiksmarkvörður franska liðsins Nice. Mynd/Cavigal Nice handball

Grétar Ari Guðjónsson, markvörður, og samherjar hans í liði Nice, máttu bíta í það súra epli að tapa með fimm marka mun á heimavelli í kvöld fyrir Nancy, 30:25, í B-deildinni í Frakklandi. Nancy, sem er í öðru sæti deildarinnar, var þremur mörkum yfir að loknum fyrir hálfleik, 16:13.

Grétar Ari varði átta skot sem gerir 22% hlutfallsmarkvörslu. Svo virðist sem hann hafi staðið í marki liðsins allan leikinn. Alltént er hinn markvörður Nice-liðsins ekki skráður með eitt einasta skot fremur en í síðasta leik liðsins.

Það er á brattann að sækja hjá Nice-liðinu. Það rekur lestina í deildinni með eitt stig þegar fjórar umferðir eru að baki.

- Auglýsing -
- Auglýsing -

Nýjustu fréttir

- Auglýsing -