Fimmtán af sautján jákvæðir

Fimmtán af 17 leikmönnum ungverska karlaliðsins Tatabanya eru komnir í einangrun eða hafa verið eftir að þeir reyndust vera smitaðir af kórónuveirunni. Þjálfarateymi og starfsmenn sitja einnig í súpunni. Hafa forráðamenn liðsins óskað eftir að viðureign liðsins við Eurofarm Pelister frá Nórður-Makedóníu í D-riðli Evrópudeildarinnar í næstu viku verði frestað um óákveðinn tíma.

Eins hefur verið óskað eftir að heimaleikur Tatabanya við Rhein-Neckar Löwen í Evrópudeildinni, sem fram á að fara 27. okótóber verði seinkað.

Þjálfarar og starfsmenn liðsins eru komnir í sóttkví en veiran hefur herjað jafnt og þétt á hópinn frá mánaðarmótum. Alls óvíst er hvenær Tatabanya verður komið með keppnishæft lið.

Tatabanya er í D-riðli Evrópudeildarinnar með Pelister, Trimo Trebjane og þremur Íslendingaliðum, Kadetten Schaffhausen, GOG og Rhein-Neckar Löwen.

Kórnónuveiran hefur leikið Ungverja grátt síðustu vikur og virðist lítið lát vera á. Um tíma var hluti Pick Szeged-liðsins, sem Stefán Rafn Sigurmannsson er hjá, frá keppni vegna kórónuveirusmits innan hóps leikmanna og starfsmanna. Fleiri lið hafa fengið að finna fyrir veirunni eins og margir aðrir landsmenn.

Kórónuveiran er skæð víða í austurhluta Evrópu. Keppni Póllandi liggur meira og minna niðri og þá hefur verið gert þriggja vikna hlé á allri keppni í handknattleik og fleiri íþróttgreinum í Tékklandi.

- Auglýsing -

Nýjustu fréttir

- Auglýsing -