Fjölnir gefur ekkert eftir í kapphlaupinu

Leikmenn Fjölnis fengu að kynnast ferðalögum að vetri. Mynd /Þorgils G.

Fjölnismenn ætla sér að vera áfram með í baráttunni um efsta sæti Grill66-deildar karla í handknattleik. Þeir undirstrikuðu það síðast í kvöld með því að leggja ungmennalið Vals örugglega á heimavelli í Dalhúsum, 36:29. Fjölnisliðið var einnig með sjö marka forskot að loknum fyrri hálfleik, 19:12.


Eftir sigurinn er Fjölnir jafn Herði að stigum, hvort lið hefur 28 stig úr 17 leikjum en alls verða 20 umferðir leiknar í Grill66-deildinni. ÍR er einu stigi á eftir og Þór Akureyri er skammt undan með 23 stig en á tvo leiki inni á liðin þrjú fyrir ofan. Aðeins eitt lið fer beint upp i Olísdeild í vor en hin verða að sætta sig við að taka þátt í umspili um eitt laus sæti.


Aðalsteinn Örn Aðalsteinsson var atkvæðamestur Fjölnismanna með 11 mörk í viðureigninni í Dalhúsum í kvöld. Tryggvi Garðar Jónsson fór á kostum í lið Vals. Hann skorað 12 mörk.


Mörk Fjölnis: Aðalsteinn Örn Aðalsteinsson 11, Alex Máni Oddnýjarson 5, Björgvin Páll Rúnarsson 5, Þorleifur Rafn Aðalsteinsson 5, Óðinn Freyr Heiðmarsson 4, Brynjar Óli Kristjánsson 2, Goði Ingvar Sveinsson 2, Elvar Otri Hjálmarsson 1, Victor Máni Matthíasson 1.

Mörk Vals U.:
Tryggvi Garðar Jónsson 12, Ísak Logi Einarsson 4, Loftur Ásmundsson 4, Knútur Eymarsson Kruger 3, Jóel Bernburg 2, Tómas Sigurðsson 2, Sigurður Thoroddsen 1, Þorgeir Arnarsson 1.


Stöðu og næstu leiki í Grill66-deild karla má sjá hér.

- Auglýsing -

Nýjustu fréttir

- Auglýsing -