- Auglýsing -

Fjölnir hefur samið við færeyskan markvörð

Guðmundur L. Gunnarsson, framkvæmdastjóri Fjölnis og Andri Kristiansson Hansen, nýr markvörður handknattleiksliðs Fjölnis t.h. Mynd/Fjölnir

Færeyski makvörðurinn Andri Kristiansson Hansen hefur gengið til liðs við Fjölni og staðfest þá ætlan með því að skrifa undir samning við félagið. Hansen kemur til Fjölnis frá uppeldisfélaginu sínu STíF í Færeyjum (Stranda ítróttafelag) þar sem hann hefur leikið alla tíð, m.a. sex keppnistímabil í meistaraflokki og hefur þar með töluverða reynslu.


Hansen, sem er 22 ára gamall og 190 senímetrar á hæð, hefur spilað fyrir öll yngri landslið Færeyja frá U16-U19, og einnig verið viðriðinn A-landsliðið.


Fjölnir mun leika í Grill66-deildinni á næsta keppnistímabili undir stjórn Sverris Eyjólfssonar sem ráðinn var þjálfari meistaraflokks karla í vor þegar Guðmundur Rúnar Guðmundsson lét af störfum.


„Sú reynsla ásamt þeim metnaði sem Andri hefur mun koma sér vel í baráttunni í Grill 66 deildinni í vetur. Við hlökkum til samstarfsins og bjóðum Andra hjartanlega velkominn til landsins og í Fjölni,“ segir m.a. í tilkynningu frá handknattleiksdeild Fjölnis.


Fyrsti leikur Fjölnis í Grill66-deildinni verður á móti Þór Akureyri í Íþróttahöllinni á Akureyri 23. september.


- Auglýsing -
- Auglýsing -

Nýjustu fréttir

- Auglýsing -