- Auglýsing -

Fjölnir heldur sínu striki

Guðmundur Rúnar Guðmundsson, þjálfari Fjölnis, og leikmenn hans eru komni í annað sæti í Grill66-deild. Mynd/Fjölnir-Þorgils G.

Fjölnir heldur sínu striki í þriðja sæti Grill66-deildar karla í handknattleik. Fjölnismenn lögðu ungmennalið Vals í kvöld með níu marka mun í Origohöll þeirra Valsara, 38:29, eftir að hafa verið fjórum mörkum yfir að loknum fyrri hálfleik.


Fjölnir hefur þar með 12 stig eftir átta leiki og er fjórum stigum á eftir forystuliðinu, Herði á Ísafirði og tveimur á eftir ÍR. Þór Akureyri er tveimur stigum og einum leik á eftir Grafarvogsliðinu í fjórða sæti.

Tryggvi Garðar Jónsson lék með ungmennaliði Vals í kvöld og skoraði 11 mörk en það dugði skammt. Leikmenn Fjölnis létu stórskyttuna ekki slá sig út af laginu. Elvar Otri Hjálmarsson fór mikinn í liði Fjölnis og skoraði 10 mörk. Veigar Snær Sigurðsson, sem leikur sem lánsmaður frá FH, skoraði átta mörk.


Mörk Vals U.: Tryggvi Garðar Jónsson 11, Andri Finnsson 6, Jóel Bernburg 5, Tómas Sigurðarson 2, Þorgeir Arnarsson 2, Áki Hlynur Andrason 1, Ísak Logi Einarsson 1, Knútur Gauti Eymarsson Kruger 1.

Mörk Fjölnis: Elvar Otri Hjálmarsson 10, Veigar Snær Sigurðsson 8, Björgvin Páll Rúnarsson 6, Þorleifur Rafn Aðalsteinsson 5, Aðalsteinn Örn Aðalsteinsson 4, Brynjar Óli Kristjánsson 3, Óðinn Freyr Heiðmarsson 1, Matthías Sæþórsson 1.


Stöðuna og næstu leiki í Grill66-deild karla má sjá hér.

- Auglýsing -
- Auglýsing -

Nýjustu fréttir

- Auglýsing -