Fjölnismaður færir sig yfir til Gróttu

Elvar Otri Hjálmarsson t.h. ásamt Róberti Gunnarssyni þjálfara Gróttu. Mynd/Grótta

Handknattleiksmaðurinn Elvar Otri Hjálmarsson hefur skrifað undir tveggja ára samning við Gróttu. Hann kemur til félagsins frá Fjölni en Elvar Otri er 21 árs gamall og var hluti af sigursælum 2000 árgangi í Fjölni í yngri flokkunum þar sem hann er uppalinn. Hann hefur leikið með meistaraflokki Fjölnis undanfarin fjögur ár.


Elvar leikur aðallega sem leikstjórnandi og skoraði 59 mörk í Grill 66-deildinni á nýliðinni leiktíð.



„Elvar Otri er efnilegur leikmaður sem gaman verður að vinna með hjá okkur í Gróttu. Hann býr yfir miklum hæfileikum og er útsjónarsamur leikmaður. Við ætlum að mæta með breiðan og góðan hóp til leiks í haust,“ segir Róbert Gunnarsson þjálfari Gróttu í tilkynningu sem send var út vegna komu Elvars Otra til félagsins.


- Auglýsing -

Nýjustu fréttir

- Auglýsing -