F.v.: Inga Dís Jóhannsdóttir, Aníta Eik Jónsdóttir, Embla Steindórsdóttir og Alfa Brá Oddsdóttir Hagalín. Mynd/HK

Handknattleiksdeild HK hefur gert tveggja ára saminga við fjórar efnilegar handknattleikskonur sem eru að stíga sín fyrstu skref í meistaraflokki. Þar á meðal eru Inga Dís Jóhannsdóttir og Embla Steindórsdóttir sem voru í U17 ára landsliði Íslands sem hafnaði í öðru sæti í B-deild Evrópumótsins sem fram fór í Litáen og lauk á dögunum.


Hinar tvær sem skrifað hafa undir sína fyrstu samninga við HK eru Alda Brá Oddsdóttir Hagalín og Aníta Eik Jónsdóttir.


„Stelpurnar munu alfarið æfa með meistaraflokki kvenna, spila með HK U og 3. flokki. Þær hafa tekið þátt í undirbúningi meistaraflokks í sumar af krafti og staðið sig vel undanfarið á æfingum og æfingaleikjum en þess má geta að þær eru fæddar 2004 og 2005. Þá hafa þær allar æft og spilað með yngri landsliðum Íslands og voru þær Embla og Inga Dís fulltrúar okkar HK-inga á Evrópumóti U17 ára sem fram fór fyrr í sumar,“ segir í tilkynningu handknattleiksdeildar HK.

- Auglýsing -

Nýjustu fréttir

- Auglýsing -