Britney Cots og félagar í FH auk leikmanna Hauka og annarra liða í Olísdeild kvenna hefja leik á ný á laugardaginn eftir viku. Mynd/FH - Brynja Trausta

Fari allt samkvæmt áætlun næstu daga þannig að hægt verði að heimila keppni á Íslandsmótinu í handknattleik í næstu viku þá verður flautað til leiks á næsta föstudag í Grill-66 deild karla. Daginn eftir, laugardaginn 16. janúar, er ráðgert að leikið verði í Olísdeild kvenna og loks sunnudaginn 17. janúar fer boltinn af stað í Grill-66-deild kvenna.

Ekkert hefur verið leikið í kvennadeildunum síðan helgina 26. og 27. september. Þá stóð til að gera 10 daga hlé vegna æfinga kvennalandsliðsins. Ekkert varð úr æfingum kvennalandsliðsins og í byrjun október var sett á æfinga,- og keppnisbann á höfuðborgarsvæðinu. Nokkru síðar tók bannið gildi um allt land.


Þegar keppni hefst aftur í Olísdeild kvenna á laugardaginn eftir rúma viku verða liðnar 16 vikur frá síðustu leikjum í deildinni.

Hér fyrir neðan er leikjadagskrá næstu umferða í Olísdeild kvenna og Grill 66-deildum kvenna og karla.

Olísdeild kvenna:
16. janúar:
Valur – Stjarnan, kl. 13.30
Fram – ÍBV, kl. 13.30
Haukar – KA/Þór, kl. 19.30
HK – FH, kl. 19.30

Ráðgerð er heil um ferð 19. janúar og önnur 23. janúar. Að loknum leikjunum 23. janúar líður vika þar til leikið verður á nýjan leik.

Leikmenn Fjölnis-Fylkis og fleiri í Grill 66-deild kvenna sjá fram á biðin verði brátt á enda. Mynd/Fjölnir-Fylkir


Grill 66-deild kvenna:
17. janúar:

Selfoss – Fjölnir/Fylkir , kl. 13.30
Afturelding – Fram U, kl. 13.30
HK U – Víkingur, kl. 13.30
Valur U – Grótta, kl. 18.15

Elías Már Halldórsson og lærisveinar í HK taka á móti leikmönnum Vængja Júpíters á föstudaginn eftir viku. Mynd/Fjölnir, Þorgils G.


Grill 66-deild karla:
15. janúar:
Vængir Júpíters – HK, kl. 19.30
Kría – Haukar U, kl. 19.30
Víkingur – Selfoss U, kl. 19.30
Fram U – Fjölnir, kl. 20.30
16.janúar:
Hörður – Valur U, kl. 16

Róbert Geir Gíslason, framkvæmdstjóri HSÍ, sagði við handbolta.is í dag að það réðist á formannafundi upp úr helginni hvenær farið verður af stað í Olísdeild karla.

- Auglýsing -

Nýjustu fréttir

Fjölnir tyllti sér aftur á toppinn

Fjölnismenn gefa toppsæti Grill 66-deild karla í handknattleik ekki eftir enda voru þeir búnir að sitja í efsta sæti deildarinnar þegar leikir...

Örn Ingi mætti til leiks og Víkingur vann með níu

Víkingar koma öflugir til leiks aftur eftir þriggja og hálfs mánaðar hlé á keppni í Grill 66-deildinni í handknattleik karla. Þeir tóku...

HK byrjaði vel eftir langt hlé

HK hóf keppni í Grill 66-deild karla í handknattleik í kvöld með öruggum sigri á Vængjum Júpíters í Dalhúsum í Grafarvogi, 29:18,...
- Auglýsing -