Flautað til leiks með heilli umferð í Olísdeild kvenna

Hildur Þorgeirsdóttir t.v. lyftir Íslandsbikarnum í vor. Mynd/Mummi Lú

Flautað verður til leiks í Olísdeild kvenna með heilli umferð, fjórum leikjum, laugardaginn 17. september samkvæmt drögum að niðurröðun leikja í Olísdeildinni sem HSÍ gaf út i dag.



Gert er ráð fyrir að eingöngu verði leikið í Olísdeild kvenna á laugardögum. Fimm umferðum á að verða lokið fyrir hlé 22. október vegna landsleikja. Haldið verður áfram laugardaginn 12. nóvember en síðasta umferð fyrir áramót er áformuð laugardaginn 10. desember.


Haldið verður áfram laugardaginn 7. janúar með fjórum leikjum í 11. umferð. Síðasta umferð Olísdeildar kvenna er fyrirhuguð laugardaginn 1. apríl, daginn fyrir pálmasunnudag.

Fram er deildar- og Íslandsmeistari í handknattleik kvenna.

1. umferð Olísdeildar kvenna:
Laugardagur 17. september: ÍBV - KA/Þór.
Laugardagur 17. september: Valur - Haukar.
Laugardagur 17. september: Stjarnan - Fram.
Laugardagur 17. september: HK - Selfoss.


Nánar er hægt að skoða frumdrög að leikjadagskrá Olísdeildar kvenna hér.


- Auglýsing -

Nýjustu fréttir

- Auglýsing -