- Auglýsing -

Fleiri undirskriftir hjá Val

Ída Margrét Stefánsdóttir og Lilja Ágústsdóttir. Mynd/Skjáskot

Ekkert lát er á fregnum úr herbúðum kvennaliðs Vals um endurnýjun samninga. Fregnirnar eru að verða daglegt brauð. Ljóst er að Valsmenn leggja áherslu á að halda sínum unga og efnilega hópi saman. Í dag tilkynnti Valur að Ída Margrét Stefánsdóttir og Lilja Ágústsdóttir hafi skrifað undir samninga við félagið sem gildir út tímabilið 2024.

Eftir því sem fram kemur í tilkynningunni þá er Ída Margrét og Lilja miklir karakterar og hafa verið fyrirliðar í sínum árgangi í yngri flokkum Vals ásamt því að vera fyrirliðar í U-19 og U-17 ára landsliðs verkefnum undanfarin ár.
Ída hefur verið leiðtogi í sigursælum yngri flokkum félagsins ásamt því að spila stóran þátt í frábæru gengi U-19 ára landsliðs Íslands síðustu ár. Ída er frábær varnarmaður sem fórnar sér fyrir liðsfélaga sína sem og að vera öflug skytta sóknarlega.


Ída var næst markahæsti leikmaður U-liðs Vals árið 2019 þar sem hún gerði 99 mörk en hún spilaði 11 leiki á síðasta tímabili með U-liðinu og gerði 53 mörk.
Lilja er einn efnilegast leikmaður landsins og hefur þrátt fyrir ungan aldur mikla reynslu. Lilja var markahæsti leikmaður U-liðs Vals í Grill-66 deildinni á síðasta tímabili ásamt því að vera í hóp í Olís deildinni og gera þar 14 mörk þegar hún var enn gjaldgeng í 4.flokki. Lilja er fjölhæfur leikmaður sem bæði getur spilað fyrir utan og er framúrskarandi hornamaður. Eldri systir Lilju, Ásdís Þóra, hefur einnig nýverið skrifað undir nýjan samning við Val.

- Auglýsing -
- Auglýsing -

Nýjustu fréttir

- Auglýsing -