Við brottför landsliðsins frá Keflavík í morgun hitti það hluta kvennalandsliðsins í knattspyrnu sem er á leið til Hollands til vináttulandsleiks við Japan 25. nóvember og fimm dögum síðar gegn landsliði Kýpur á Kýpur. Mynd/HSÍ

Kvennalandsliðið í handknattleik hélt af stað í rauðabítið í morgun áleiðis til Tékklands þar sem A- og B-landsliðin taka þátt í fjögurra liða mótum á fimmtudag, föstudag og á laugardag með landsliðum frá Noregi, Sviss og Tékklandi.


Valdir voru 30 leikmenn til fararinnar sem er einn liður í áframhaldindi uppbyggingu kvennalandsliðsins sem staðið hefur yfir síðustu mánuði undir stjórn Arnars Péturssonar, landsliðsþjálfara.

Starfsfólk og þjálfara landsliðs kvenna við brottför frá Keflavík í morgun. F.v. Kjartan Vídó, Arnar Pétursson, Jóhanna Björk Gylfadóttir, Hlynur Morthens, Tinna Jökulsdóttir, Brynja Ingimarsdóttir, Hrafnhildur Skúladótttir, Þorbjörg Jóhanna Gunnarsdóttir og Anna Úrsúla Guðmundsdóttir. Mynd/HSÍ

Leikjadagskrá A landsliðs kvenna:
25.nóv. kl. 17, Ísland – Noregur.
26.nóv. kl. 19, Ísland – Sviss.
27.nóv. kl. 13, Ísland – Tékkland.
Leikjadagskrá B landsliðs kvenna:
25.nóv. kl. 15, Ísland – Noregur.
26.nóv. kl. 15, Ísland – Sviss.
27.nóv. kl. 9, Ísland – Tékkland.

- Auglýsing -

Nýjustu fréttir

- Auglýsing -