- Auglýsing -

Flugeldasýning hjá Tinnu Sigurrós

Tinna Sigurrós Traustadóttir, leikmaður Selfoss. Mynd/Umf. Selfoss / ÁÞG

Unglingalandsliðskonan Tinna Sigurrós Traustadóttir var með snemmbúna flugeldasýningu í kvöld þegar hún gerði sér lítið fyrir og skoraði 16 mörk fyrir Selfoss í sex marka sigri liðsins á ungmennaliði Vals, 38:32, í síðasta leik ársins í Grill66-deild kvenna í handknattleik.

Með sigrinum færðist Selfossliðið nær efsta liði deildarinnar ÍR. Aðeins munar tveimur stigum á liðunum auk þess sem Selfoss á leik til góða á Breiðholtsliðið. Ungmennalið Vals er í fjórða sæti með 11 stig.

Selfoss var tveimur mörkum yfir að loknum fyrri hálfleik, 16:14.

Mörk Selfoss: Tinna Sigurrós Traustadóttir 16, Tinna Soffía Traustadóttir 9, Elínborg Þorbjörnsdóttir 5, Elín Krista Sigurðardóttir 3, Inga Sól Björnsdóttir 3, Kristín Una Hólmarsdóttir 2.
Mörk Vals U.: Lilja Ágústsdóttir 11, Ída Margrét Stefánsdóttir 7, Auður Ester Gestsdóttir 6, Hildur Sigurðardóttir 4, Berglind Gunnarsdóttir 2, Ragnhildur Edda Þórðardóttir 2.

Stöðuna og næstu leiki í Grill66-deild kvenna má sjá hér.

- Auglýsing -
- Auglýsing -

Nýjustu fréttir

- Auglýsing -