Fór hamförum eftir að hafa verið valinn í landsliðið

Grétar Ari Guðjónsson markvörður Nice. Mynd/Cavigal Nice Handball

Handknattleiksmarkvörðurinn Grétar Ari Guðjónsson hélt upp á að vera valinn í landsliðshópinn í vikunni með stórleik í gærkvöldi með Nice í frönsku 2. deildinni í handknattleik. Grétar Ari varði 22 skot, þar af tvö vítaköst, í leik gegn Tremblay sem féll úr efstu deild í vor.


Hlutfallsmarkvarsla Grétars Ara í leiknum var 48% og má því segja að hann hafi varið annað hvert skot sem á mark hans barst.


Því miður dugði stórleikur Hafnfirðingsins ekki því Tremblay vann með eins marks mun, 25:24, eftir að hafa einnig verið marki yfir í hálfleik, 12:11.
Nice situr í sjöunda sæti deildarinnar með átta stig eftir átta leiki. Tremblay situr í fjórða sæti með 11 stig, þremur stigum á eftir Ivry, sem einnig kom niður í deildina í vor eftir fall úr efstu deild.

- Auglýsing -

Nýjustu fréttir

- Auglýsing -