Forsetinn er á leiðinni til Búdapest

Forseti Íslands verður á meðal þeirra sem styður við bakið á íslenska landsliðinu í MVM Dome í kvöld. Mynd/Hafliði Breiðfjörð

Guðni Th. Jóhannesson, forseti Íslands, er á leiðinni til Ungverjalands til að styðja við bakið á íslenska landsliðinu í handknattleik í kvöld þegar það mætir Dönum í fyrstu umferð milliriðlakeppni Evrópumótsins.


Forsetinn sagði frá þessu í morgun á samfélagsmiðlum og birti m.a. þetta myndskeið.


Forsetinn mætti á tvo leiki íslenska landsliðsins á EM í Svíþjóð fyrir tveimur árum.

Íslensku landsliðsstrákunum veitir ekki af öllum þeim stuðningi sem þeir eiga kost á. Eins og staðan er núna þá eru fimm leikmenn í einangrun með kórónuveiruna eftir að Aron Pálmarsson og Bjarki Már Elísson bættust í hópinn í morgun. Beðið er niðurstöðu úr PCR prófi en þeir reyndust jákvæðir á hraðprófi í morgun, eins og áður hefur verið getið.

Þrír greindust smitaðir í gær, Björgvin Páll Gústavsson, Elvar Örn Jónsson og Ólafur Andrés Guðmundsson.

- Auglýsing -

Nýjustu fréttir

- Auglýsing -