- Auglýsing -

Förum ekki á neitt flug

Stuningsmenn ÍBV geta fagnað eftir tvo sigra félagsins aá Val í dag en þeir mega ekki standa svona þétt saman. Þessi mynd var heldur ekki tekin í dag. Mynd/HSÍ

„Það er alltaf vilji til þess að vinna Meistarakeppnina en til viðbótar þá vildum við fyrst og fremst fá svör við ákveðnum atriðum sem við höfum unnið í upp á síðkastið, til að mynda varðandi varnarleikinn og við fengum nokkur svör,“ sagði Kristinn Guðmundsson, annar þjálfara karlaliðs ÍBV, eftir tveggja marka sigur á Val í Meistarakeppni HSÍ í Origo-höllinni við Hlíðarenda í kvöld.

„Það hafa orðið talsverðar breytingar á leikmannahópnum hjá okkur frá síðasta keppnistímabili, ekki síst sem snertir vörnina. Ásgeir Snær Viðarsson leysti til dæmis frábærlega hlutverk sitt í vörninni sem undirstrikar að ekki er alltaf þörf á að breyta um skipulag þótt mannabreytingar verði. Róbert Sigurðarson stjórnaði vörninni síðan afar vel. Vörnin leit mjög vel út og við það erum við sáttir.  En við eigum hinsvegar eftir að lenda í hæðum og lægðum í fyrstu leikjum deildarinnar. Þess vegna förum við ekki á mikið flug eftir þennan leik,“ sagði Kristinn sem reiknar með að Haukar, Valur og FH verði í toppbaráttu Olísdeildarinnar.

„Okkur, eins og örugglega fleirum langar að blanda okkur í þá baráttu,“ sagði Kristinn Guðmundsson,  annar þjálfara karlaliðs ÍBV í samtali við handbolta.is í kvöld.  

- Auglýsing -
- Auglýsing -

Nýjustu fréttir

- Auglýsing -