Haukamaðurinn Heimir Óli Heimisson, t.h. tók ekki þátt í fyrsta leik Hauka í Olísdeildinni. Mynd/J.L.Long

Línu- og varnarmaðurinn sterki, Heimir Óli Heimisson, var ekki í leikmannahópi Hauka gegn Fram þegar liðin mættust í fyrstu umferð Olísdeildar karla í handknattleik í Schenkerhöllinni á Ásvöllum á laugardagskvöld.


Í samtali við handbolta.is sagði Aron Kristjánsson, þjálfari Hauka, að Heimir Óli hafi fengið högg á hálsinn í leik við FH í 16-liða úrslitum Coca Cola-bikarsins í Kaplakrika 9. september. Af þeim sökum verði Heimir Óli halda sig til hlés um skeið.


„Vonandi byrjar hann aftur með okkur eftir viku eða þar um bil,“ sagði Aron Kristjánsson, þjálfari karlaliðs Hauka eftir sigurleikinn á Fram, 29:27, í fyrstu umferð Olísdeildarinnar.

- Auglýsing -

Nýjustu fréttir

- Auglýsing -