Frábær leikur Elínar Jónu dugði ekki

Elín Jóna Þorsteinsdóttir, leikur með danska úrvalsdeildarliðinu Ringkøbing Håndbold á næsta keppnistímabili. Mynd/Erik Laursen - aðsend

Elín Jóna Þorsteinsdóttir átti frábæran leik í marki Vendsyssel í kvöld í dönsku úrvalsdeildinni í handknattleik þegar liðið tapaði með fimm marka mun fyrir bikarmeisturum Herning-Ikast, 27:22, á heimavelli. Elín Jóna varði 17 skot og var með 40% markvörslu í leiknum. Það dugði því miður ekki til þess að liðið ynni leikinn að þessu sinni.


Steinunn Hansdóttir skoraði tvö mörk í þremur skotum fyrir Vendsyssel-liðið sem situr eitt og yfirgefið í neðsta sæti deildarinnar með þrjú stig eftir átján umferðir. Fjórar umferðir eru eftir af deildarkeppninni og þarf talsvert til að Vendsyssel falli ekki úr deildinn eftir eins árs veru.

Staðan í hálfleik í leiknum í kvöld var 10:9 fyrir Herning-Ikast sem tók síðan leikinn traustari tökum í síðari hálfleik. Sigurinn hefði orðið enn stærri ef Elín Jóna hefði ekki staðið vaktina í marki Vendsyssel með eins miklum glæsibrag og raun bar vitni um.

- Auglýsing -

Nýjustu fréttir

- Auglýsing -