- Auglýsing -

Fram er komið í átta liða úrslit

Stefán Arnarson, þjálfari Fram, og liðsmenn hans er komnir í átta liða úrslit í Coca Colabikarnum. Mynd/HSÍ

Fram komst í kvöld í átta liða úrslit í Coca Cola-bikar kvenna í handknattleik með því að vinna Víking, 36:23, í Víkinni í 16-liða úrslitum. Framarar mæta annað hvort ÍR eða Gróttu í átta liða úrslitum. Hvort liðið það verður fæst úr skorið á fimmtudagskvöld að lokinni viðureign þeirra í Austurbergi.



Fram var fimm mörkum yfir að loknum fyrri hálfleik í Víkinni í kvöld, 17:12. Víkingum tókst að velgja leikmönnum Fram undir uggum í fyrri hálfleik og m.a. að jafna metin, 8:8, skömmu eftir miðjan fyrri hálfleik. Hafði Víkingur þá skorað þrjú mörk í röð.

Mörk Víkings: Auður Brynja Sölvadóttir 10, Arna Þyrí Ólafsdóttir 5, Guðrún Maryam Rayadh 2, Elín Helga Lárusdóttir 2, Rakel Sigmarsdóttir 2, Ída Bjarklind Magnúsdóttir 1, Ester Inga Ögmundsdóttir 1.
Mörk Fram: Þórey Rósa Stefánsdóttir 9, Emma Olsson 7, Perla Ruth Albertsdóttir 5, Tinna Valgerður Gísladóttir 3, Erna Guðlaug Gunnarsdóttir 3, Svala Júlía Gunnarsdóttir 3, Karen Knútsdóttir 2, Hildur Þorgeirsdóttir 2, Jónína Hlín Hansdóttir 1, Kristrún Steinþórsdóttir 1.

Þetta var fyrsti leikur í 16-liða úrslitum í Coca Cola-bikarkvenna. Fleiri leikir í kvennaflokki fara fram á fimmtudagskvöld.

- Auglýsing -
- Auglýsing -

Nýjustu fréttir

- Auglýsing -