Fram Íslandsmeistari í 4. flokki, eldra ár

Ívar Benediktsson

12.06.21

Íslandsmeistarar Fram í 4. flokki, eldra ári 2021. Efri röð f.v.: Reynir Stefánsson þjálfari, Daniel Stefán Reynisson, Þorsteinn Kjartansson, Viktor Smari Unnarsson, Jón Auðunn Stefánsson, Elí F. Traustason, Reynir Þór Stefánsson, Max Stenlund, Arnar Jóhannsson, Ganríel Ægisson, Ernir Ægisson, Dagur Sigurjónsson, Þorgrímur Smári Ólafsson, þjálfari. Neðri röð. Marel Baldvinsson, Markús Páll Ellertsson, Eggert Ólafsson, Arnþór Sævarsson, Eiður Rafn Valsson, Jóhann Ægisson, fremstur Gabríel Gylfason og lukku tröllið heitir Kolbeinn Haraldsson. Mynd/Ívar

- Auglýsing -

Fram varð Íslandsmeistari í 4. flokki karla, eldra ári, eftir æsispennandi leik við Hauka í úrslitum í dag að Varmá, 22:21. Elí F. Traustason kórónaði frábæran leik sinn þegar hann skoraði sigurmarkið á síðustu sekúndu með þrumuskoti sem söng í markvinklinum en áður höfðu bæði lið fengið tækifæri til þess að skora en staðan var jöfn, 21:21, lengi vel.

Haukar voru marki yfir í hálfleik, 11:10.

Elí F. Traustason, maður leiksins. Mynd/HSÍ

Elí var í leikslok valinn maður leiksins og var svo sannarlega vel að því kominn.

Mörk Hauka: Birkir Steinn Steinsson 10, Gísli Rúnar Jóhannsson 6, Pétur Már Jónasson 3, Stefán Karolis Stefánsson 1, Hilmir Helgason 1.
Mörk Fram: Elí F. Traustason 9, Eiður Rafn Eiðsson 6, Arnþór Sævarsson 3, Daníel Stefán Reynisson 2, Reynir Þór Stefánsson 2.

- Auglýsing -