Lena Margrét Valdimarsdóttir í leik með Fram í Olísdeildinni. Hún skoraði 7 mörk fyrir ungmennalið Fram gegn Gróttu í dag. Mynd/Egill Bjarni Friðjónsson

Ungmennalið Fam sýndu leikmönnum Gróttu enga miskunn í viðureign liðanna í Grill 66-deild kvenna í handknattleik í dag í Framhúsinu. Fram vann með fimm marka mun, 33:28, og komst upp að hlið ungmennaliðs Vals sem hefur 14 stig eftir níu leiki. Grótta og Afturelding eru í næstu sætum á eftir með 12 stig hvor en Grótta hefur leikið einum leik fleira en Afturelding.


Framarar voru með frumkvæðið í leiknum í dag frá upphafi til enda og var með þriggja marka forskot að loknum fyrri hálfleik, 16:13. Lena Margrét Valdimarsdóttir kom inn í liðið á nýjan leik eftir að hafa eingöngu leikið með A-liði Fram í Olísdeildinni upp á síðkastið. Hún skoraði sjö mörk. Katrín Helga Sigurbergsdóttir var atkvæðamest hjá Gróttu.


Mörk Fram:
Erna Guðlaug Gunnarsdóttir 9, Lena Margrét Valdimarsdóttir 7, Svala Júlía Gunnarsdóttir 5, Harpa María Friðgeirsdóttir 4, Margrét Castillo 3, Daðey Ásta Hálfdánsdóttir 2, Rakel Sigmarsdóttir 2, Jónína Hlín Hansdóttir 1.
Mörk Gróttu: Katrín Helga Sigurbergsdóttir 9, Steinunn Guðjónsdóttir 7, Tinna Valgerður Gísladóttir 6, Katrín Anna Ásmundsdóttir 3, Ágústa Huld Gunnarsdóttir 2, Rut Bernódusdóttir 1.

- Auglýsing -

Nýjustu fréttir

- Auglýsing -