Ágúst Birgisson í þann mund að skora eitt fimm marka sinn í leiknum við Fram. Mynd/Jóhannes Long

FH-ingar eru komnir með fjögur stig í Olísdeild karla eftir þrjá leiki. FH vann Fram í kvöld, 28:22, í Kaplakrika í 3.umferð Olísdeildar karla. FH-liðið var yfir frá upphafi til enda og hafði m.a. fimm marka forskot að loknum fyrri hálfleik, 15:10, gegn lánlitlum leikmönnum Fram sem hafa eitt stig í safni sínu eftir leikina þrjá sem að baki eru.

Sóknarleikurinn brást hjá Fram-liðinu í kvöld, 22 mörk dugar ekki til þess að vinna leikinn í nútíma handknattleik.

Ásbjörn Friðriksson var markahæstur hjá FH eins og oft áður. Hann skoraði sex mörk. Ágúst Birgisson, Einar Örn Sindrason og Leonharð Þorgeir Harðarsson skoruðu fimm sinnum hver.

Færeyingurinn Vilhelm Poulsen var lang atkvæðamestur hjá Fram. Hann skoraði átta mörk. Andri Már Rúnarsson og Kristinn Hrannar Elísberg Bjarkason skoruðu fjögur mörk hvor.

- Auglýsing -

Nýjustu fréttir

- Auglýsing -