Rógvi Dal Christiansen. Lárus Helgi Ólafsson og Vilhelm Poulsen voru allt í öllu hjá Fram gegn HK. Mynd/Fram

Fram átti í mestu erfiðleikum gegn sprækum leikmönnum HK er liðin mættust í Olísdeild karla í handknattleik í Framhúsinu en tókst fyrir rest að kreista fram tveggja marka sigur, 27:25, og komast upp að hlið Vals og ÍBV með sex stig. Fram hefur reyndar lokið fjórum leikjum með hin tvö liðin, sem mætast á morgun, hafa hvort um sig lokið þremur leikjum.
HK var með eins marks forskot, 24:23, þegar sex mínútur voru til leiksloka eftir að hafa haldið í Framarar lengi vel leiksins þótt vissulega hafi verið á brattann að sækja á köflum.


Fram var með tveggja marka forskot að loknum fyrri hálfleik, 15:13. Liðið var svo lengi vel með frumkvæðið í síðari hálfleik en gekk illa að hrista af sér baráttuglaða leikmenn HK voru ekki langt frá að öngla í sitt fyrsta stig. HK er enn án stiga í neðsta sæti deildarinnar ásamt Víkingi og Gróttu. Síðarnefnda liðið á leik til góða á Víking og HK.


Lárus Helgi Ólafsson mætti í miklu stuði í mark Fram eftir að hafa orðið að sleppa viðureigninni við Gróttu á mánudaginn vegna smávægilegra meiðsla. Hann varði 19 skot, 44.2%. Vilhelm Poulsen fór mikinn í sóknarleik Fram eins og stundum áður.


Mörk Fram: Vilhelm Poulsen 11/5, Rógvi Christiansen 4, Kristinn Hrannar Bjarkason 4, Breki Dagsson 3, Stefán Darri Þórsson 2, Kristófer Andri Daðason 1, Þorvaldur Tryggvason 1, Þorsteinn Gauti Hjálmarsson 1.
Varin skot: Lárus Helgi Ólafsson 19, 44,2% – Valtýr Már Hákonarson 2/1.
Mörk HK: Kristján Ottó Hjálmsson 5, Hjörtur Ingi Halldórsson 5, Elías Björgvin Sigurðsson 3, Kári Tómas Hauksson 2/2, Sigurvin Jarl Ármannsson 2, Arnór Róbertsson 2, Bjarki Finnbogason 1, Kristóer Pétur Barðason 1.
Varin skot: Sigurjón Guðmundsson 8, 30,8% – Róbert Örn Karlsson 5, 35,7%.

Stöðuna og næstu leiki í Olísdeild karla má sjá hér.

- Auglýsing -

Nýjustu fréttir

- Auglýsing -