Leikmenn ungmennaliðs Fram eftir sigurinn í Víkinni í gærkvöld. Mynd/Fram

Ungmennalið Fram heldur sínu striki í efsta sæti Grill 66-deildar kvenna í handknattleik. Fram hefur fjögurra stiga forskot á ungmennalið Vals sem er í öðru sæti og sex stig á Aftureldingu í þriðja sæti en Mosfellingar standa best að vígi þeirra liða sem eiga möguleika á að flytjast upp úr deildinni í vor.


Ungmennalið Fram vann Víking í gærkvöld, 37:26, í Víkinni eftir að hafa verið átta mörkum yfir að loknum fyrri hálfleik, 19:11. Fram skoraði sjö fyrstu mörk leiksins og sló þar með tóninn fyrir framhaldið.

Að vanda var Erna Guðlaug Gunnarsdóttir atkvæðamikil í liði Fram, jafnt í vörn sem sókn.

Með viðureigninni í Víkinni lauk 15. umferð Grill 66-deildarinnar. Þrjár umferðir eru þar með eftir. Sextánda umferð verður leikin miðvikudaginn 24. mars.


Mörk Víkings: Auður Brynja Sölvadóttir 6, Arna Þyrí Ólafsdóttir 5, Helga Lúðvíka Hallgrímsdóttir 4, Ólöf Kristín Þorsteinsdóttir 4, Ester Inga Ögmundsdóttir 3, Svava Björg Birgisdóttir 1, Sóley Bjarkadóttir 1, Katrín Guðmundsdóttir 1, Steinunn Birta Haraldsdóttir 1.

Mörk Fram U.: Erna Guðlaug Gunnarsdóttir 9, Margrét Castillo 6, Harpa María Friðgeirsdóttir 4, Valgerður Arnalds 4, Lena Margrét Valdimarsdóttir 3, Ingunn Lilja Bergsdóttir 3, Hallfríður Jónína Arnarsdóttir 2, Daðey Ásta Hálfdánsdóttir 2, Jónína Hlín Hansdótti 2, Elísabet Ósk Ingvarsdóttir 1, Harpa Elín Haraldsdóttir 1.

Staðan í Grill 66-deild kvenna.

- Auglýsing -

Nýjustu fréttir

- Auglýsing -